Krossen og Slegga Du som til vinst for andre for-førd som eit blinda dyr, lyt krøkt under vandre i trældommens seige myr, du som all livsens lukke lyt nedtrødd i søyla sjå, og utan ein gong å mukke let tuktarens vilje rå: Ser du den jordgrå bylgje av duvande kross ved kross? Eit villfare jammersfylgje der kvar er ein del av oss. Ser du den nakne planken som tyngjer din bror i kne, og kjenner du reisingstanken som ligg i det tunge tre? Trugande likt ei slegge ris det mot himmelrand: hammar og skaft har begge og sjølv har du arm og hand. Armods- og vanmaktsmerket med trældommens blodsegl på, reis det for fridomsverket: lyft krossen av herda og slå! Jakob Sande I: Krossen og slegga, 1939. Heksebrenning Fra Rygge museums hjemmeside Rygge museum her