Marsjerende landarbeidere Til den norske landarbeidar Av Jakob Sande Trøytt under børa gjekk du bøygd mot ei karrig mold. Svolk for din sveitte fekk du Aldri di naud du klaga, ditt tolmod var tungt som jord. - Det er no eingong so laga, - var alltid ditt armods ord. Audmjuk i kyrkjestolen sat du på småmanns vis når presten i silkekjolen svinga sitt svovel-ris Bringa di saman klemdest i redsle for brand og bål, til veik for deg sjølv du skjemdest og vraka ditt tungemål. Rådlaus i bank-kontoret stod du med skjelv i kne, trivla og tok etter ordet, skjemd for om brød å be. Skamma som glør deg brende då knapt du fekk svar sovidt, men tung var din veg attende Regnsus i natta klagar, tærande tankar brenn. Maktlaus i myrke dagar ventar du rettens menn. Hand på ditt hus dei lagde, - reidskap, bøling og båt, sjølv stod du bleik og tagde og svelgde din beiske gråt. Ilt var det ord du lærde: tolmod i trælekår. Tungt det din livsmerg tærde, gløymt det, og vegen er klår! Reis deg, riv iglane av deg, kvitknyt handa til slag, krafta ditt yrke gav deg, bruk ho i denne dag! Høyr, dine brødre ropar bak murar av teglraud stein: Fylk dykk, villfarne hopar, stå saman med oss som ein! Inn under fana, frende, land og by, kom i takt, Få er vi trælebrende, men samla ei sigersmakt. Dykkar er dette landet jorda med korn og skog. Sveittande småfolk vann det med heimesmidd øks og plog. Rovgriske menn tok det frå dei, livsviljen trælebatt, såmenn i dag: gå på dei, landet ditt, ta det att ! Til den norske landarbeidar av Jakob Sande. - S. 163 I: Krossen og sleggja : Dikt i utval 1929-1939. - Oslo : Gyldendal , 1939 Lokalisert i norske bibliotek gjennom Samkatalogen for bøker- SAMBOK Nasjonalbiblioteket I flere samlinger gjennom: Diktbasen / Deichmanske Bibliotek og samme nok en gang